Les mots surlignés font l'objet d'une note
1Monseigneur, sen allant ce porteur par devers vous, jay prins
2ceste commodité (prevoyant ladvenir) de vous supplier me resouldre
3si je pourvoyrey au faict de police, memes touchant le taux des vivvres
4et hostellerie suyvant les edictz et ordonnances du roy et de la cour ;
5et quil vous plaise me donner moyen destre assisté et secoru de mainforte
6ès affaires et exploictz de justice quand se presenteroynt en quelque
7endroictz et lieux de ce ressort tenuz soubz lobeyssance du roy, mesmes
8par ung petit mot de voz letres que je puysse, monstrer opportunement
9à messieurs les gouverneurs et commandantz aux gens de guerre de deçà ;
10ne voulant sur ce poinct obmectre de vous dire, monsegneur que sans
11quil vous plaise nous despartir quelques forces de cheval pour nous
12eslargir et garder des courses de l’ennemy, nous sommes reduictz en une
13très grande et pitoyable misère et calamité, nayant aultrement le moyen
14de sortir hors de nos portes, et par consequant, faire le service
15et besognes des champs et que pis est nestant sans quelque crainte
16et danger touchant la garde et conservation de ce lieu par plusieurs
17occasions desquelles je vous rendrey tousjours raison, joinctes
18les jallouzies et souspeçons d’intelligence de lennemy sur icelle,
19esquelles on entre de jour en aultre, que je prie Dieu nestre
20veritable et à toutes fins, ensuyvant le dire de Job que son
21bon plaisir soit dissipare cogitationne malignorum ne possint
22implere manus eorum quod ceperant, et vous donner
23monseigneur, en parfaicte santé très heureuse et longue vie. De Gap,
24le IIIIe jour de février 1574
25Je pense, monseigneur, que monsieur de Laborel et nos consuls vous donnent advis
26particullièrement de ce que lennemy a faict sejour quelque temps à Ribière et quil
27se renforce journellement de Prouvençaulx, mesmes des compagnyes que monsieur de Carces
28[98 v°] a cassées ou reduictes et retranchées et quil faict faire là et
29à Serres et en aultres lieux de nos voysins des Eschelles et comme
30il dict attandre certaines forces estrangières que monsieur d’Allemagne
31est après faire acheminer, oultre larmée du conte Ludoviq sen venant
32aussy de deçà après avoir remis en paciffication tout le pays d’En bas
33et quelques aultres semblables particullaritez que je delaisse
34vous toucher en ceste consideration, mais si je navoye opinion quilz
35vous tinssent bien adverty de toutes choses et quil vous plaise
36me donner moyen vous faire tenir les miennes, jy satisferoye de
37tous poinctz.
38Monseigneur, en soubz signant la presente, jey receue celle quil
39vous a pleu mescrire du XXIe du passé pour faire les monstres
40des gens de guerre de par deçà, à quoy, ainsi qu’à tous vos
41commandemens jobeyrey très voluntiers.
42Vostre très humble et plus obeyssant
43Serviteur
44B : olier